Ayni vaqtda “Tashkent Magic City” istirohat bog‘i hududida O‘zbekiston Savdo-sanoat palatasi hamda “Hunarmand” uyushmasi bilan hamkorlikda “Mohir hunarmandlar” ko‘rgazma-savdosi o‘tkazilmoqda.
Ko‘rgazma ishtirokchilari 100 nafarga yaqin eng mohir hunarmandlarning noyob asarlarini tomosha qilish bilan birgalikda, ularni xarid qilish imkoniyatiga ham ega bo‘lmoqdalar. Bir-biridan nafis va betakror bo‘lgan hunarmandchilik buyumlari tabiiy mahsulotlardan qo‘lda tayyorlangan bo‘lib, unda hunarmandning qalb qo‘ri, ko‘z nuri hamda xalqimizning orzu-istaklari va ming yillik an’analarini o‘zida mujassam etgan.
